"Реал" бош мураббийи Жозе Моуриньо жамоанинг "Ванда Метрополитано"даги сўнгги омадсиз натижаларига муносабат билдирди ва тиғиз тақвим эртанги "Атлетико"га қарши дербида унинг жамоасига таъсир қилиши мумкинлигини айтди.
"Дерби ҳар доим оддий ўйиндан кўра кўпроқ нарсани англатади. Бу — тарих, маданият, эҳтирос... Нима эканини дарҳол ҳис қиласиз. Аммо барибир гап уч очко ҳақида кетяпти", — деди Моуринью.
"Метрополитано"даги сўнгги ёмон натижаларми? Жамоани 100 фоиз имконияти билан ўйнашга тайёрлай оламанми, билмайман. Лекин менинг ҳам, футболчиларимнинг ҳам мақсади шу. Шунга қарамай, бунинг уддасидан чиқаманми — билмайман.
Қисқа вақт ичида жуда кўп ўйин ўтказдик, аммо айрим камчиликларни тўғрилашга муваффақ бўлдик. Бу — жараён. Биз яхшиланишимиз керак. Бироқ шу билан бирга натижа ҳам зарур. Биз бунинг устида ишлаяпмиз. Ўзимизга ишончимиз катта, аммо кўп меҳнат қилишимиз кераклигини ҳам яхши тушунамиз", — деди Моуринью.
