"Real" bosh murabbiyi Joze Mourinyo jamoaning "Vanda Metropolitano"dagi so‘nggi omadsiz natijalariga munosabat bildirdi va tig‘iz taqvim ertangi "Atletiko"ga qarshi derbida uning jamoasiga ta’sir qilishi mumkinligini aytdi.

"Derbi har doim oddiy o‘yindan ko‘ra ko‘proq narsani anglatadi. Bu — tarix, madaniyat, ehtiros... Nima ekanini darhol his qilasiz. Ammo baribir gap uch ochko haqida ketyapti", — dedi Mourinyu.

"Metropolitano"dagi so‘nggi yomon natijalarmi? Jamoani 100 foiz imkoniyati bilan o‘ynashga tayyorlay olamanmi, bilmayman. Lekin mening ham, futbolchilarimning ham maqsadi shu. Shunga qaramay, buning uddasidan chiqamanmi — bilmayman.

Qisqa vaqt ichida juda ko‘p o‘yin o‘tkazdik, ammo ayrim kamchiliklarni to‘g‘rilashga muvaffaq bo‘ldik. Bu — jarayon. Biz yaxshilanishimiz kerak. Biroq shu bilan birga natija ham zarur. Biz buning ustida ishlayapmiz. O‘zimizga ishonchimiz katta, ammo ko‘p mehnat qilishimiz kerakligini ham yaxshi tushunamiz", — dedi Mourinyu.