«Реал» бош мураббийи Жозе Моуриньо шанба куни бўлиб ўтган матбуот анжуманида жамоа бошқарувидаги дастлабки 100 куни ҳақидаги саволга жавоб берди.
— Дастлабки 100 кунлик фаолиятингиздан сўнг ўзингизга қандай баҳо қўясиз?
— Менинг баҳом: қўлимдан келган барча ишни қилдим. Менимча, менинг ҳолатимда гап фақат машғулотлар ва ўйинлар ҳақида эмас, балки клубда футболни шакллантириш жараёнига таъсир кўрсатиш ҳақида ҳам бормоқда. Гап фақат машғулотлар ва алмаштиришлар ҳақида эмас.
Ўзимга баҳо қўймайман. У идеал ҳам, салбий ҳам бўлиши керак, деб ўйламайман. Аммо менинг баҳом шуки, қўлимдан келган барча ишни қилдим. Бор кучим билан ҳаракат қилдим. Ва бундан кейин ҳам шундай давом этаман.
«Реал» Испания чемпионатининг дастлабки олти турида 15 очко тўплаган. Якшанба куни мадридликлар сафарда «Атлетико»га қарши ўйнайди.
