«Реал» бош мураббийи Жозе Моуриньо «Атлетико»га қарши ўйин олдидан фаолияти давомида гувоҳ бўлган дербилар орасида қайси бири унда катта таассурот қолдиргани ҳақида гапирди.
«Бу саволга жавоб бериш қийин. Мени энг кўп ҳайратга солгани Милан дербиси бўлди. Чунки улар ўртасида оз бўлса-да, нафрат бор, деб ўйлагандим.
Аммо «Интер» ва «Милан» мухлислари ўзаро яхши муносабатда эканини кўриб ҳайрон қолдим. Нафрат бироз шимолроқда жойлашган. Кўчада турли клубларнинг футболкаларини кийган эркак ва аёлни бирга кўрганман. Португалияда бундай бўлиши мумкин эмас. Туркия ҳақида эса умуман гапирмаса ҳам бўлади!» — деди Моуриньо матбуот анжуманида.
