«Барселона» президенти Жоан Лапорта Хулиан Альвареснинг эҳтимолий трансфери юзасидан «Атлетико» билан олиб борилган музокаралар қандай кечгани ҳақида гапирди.

«Улар ўзларини хафа бўлган томондек кўрсатишди, ҳолбуки, ўз хатти-ҳаракатларини оқлай олишмасди. Биз одатда бундай вазиятларда қандай йўл тутилса, худди шундай иш қилдик: аввало клублар ўртасида алоқа бўлди, кейин эса мен шахсан «Атлетико» бош директори Мигель Анхель Хиль билан боғландим.

У менга Хулиан жамоани тарк этмаслигини айтди, чунки уларда унинг ўрнини боса оладиган футболчи йўқ экан. Кейин эса уларнинг муносабати ноўрин тус олди.

Бу нима билан боғлиқ бўлганини билмайман. Айрим тахминларим бор, аммо буни тасдиқлайдиган далилларим йўқ. Бизга Хулианни «Барселона»дан бошқа исталган клубга сотишлари мумкинлиги ҳақида маълумотлар келиб тушганди. Кейин эса улар ниқобни ечиб, буни очиқчасига айтди», — деди Лапорта.