Англия терма жамоасининг собиқ ҳужумчиси Алан Ширер АПЛнинг 5-турида «Арсенал»ни 3:0 ҳисобида мағлуб этган «Брайтон» ўйинига юқори баҳо берди.

«Брайтон»да бўлган вазиятларни ҳисобга олсак, ҳисоб янада йирик бўлиши керак эди. Улар «Арсенал»ни шунчаки йўқ қилди. Сўнгги пайтларда бу гапни қанчалик тез-тез айтаяпмиз? Бугун «Брайтон» биринчи дақиқадан охиригача ажойиб ўйнади, ҳар бир футболчи ўз ҳиссасини қўшди.

Улар кучли эди, жисмонан жуда яхши тайёрланганди ва «Арсенал»га қарши дадил олдинга борди. Ҳеч нарсадан қўрқишмади ва бу жуда яхши иш берди. Улар олти ёки еттита гол уриши ҳам мумкин эди.

«Брайтон» ҳар сафар прессингга ўтганида, барчаси мукаммал чиқди. Улар буни якка тартибда эмас, бутун жамоа бўлиб амалга оширди. Уларнинг ёндашуви шундай эди: «Биз «Арсенал»ни ҳурмат қиламиз, аммо уларга ўйнаш учун бўш ҳудуд бермаймиз».

Жамоанинг ташкиллашуви ажойиб эди. Бундай нарса ўз-ўзидан пайдо бўлмайди. Бунинг учун бош мураббий Фабиан Хюрцелерга муносиб баҳо бериш керак», — деди Ширер.