«Ковентри» жорий АПЛ мавсумидаги илк ғалабасини қўлга киритди.

Фрэнк Лэмпард бошчилигидаги жамоа 5-турда сафарда «Ноттингем Форест»ни 1:0 ҳисобида мағлуб этди. Бунгача «Ковентри» дастлабки тўртта учрашувнинг барчасида мағлуб бўлиб, рақибларидан жами 10 та гол ўтказган ва бирорта ҳам тўп кирита олмаган эди.

Уч очко жамғарган «Ковентри» турнир жадвалида 18-ўринни эгаллаб турибди. Клуб ўтган мавсум Чемпионшипда биринчи ўринни эгаллаб, АПЛ йўлланмасини қўлга киритган эди.

«Ковентри» Премьер-лигада 2001 йил апрелидан бери илк бор ғалаба қозонди. Squawka маълумотига кўра, клуб АПЛдаги икки ғалаба ўртасидаги энг узоқ танаффус бўйича рекорд ўрнатди — 9 287 кун.

Аввалги рекорд «Ипсвич»га тегишли бўлиб, унинг Премьер-лигадаги икки ғалабаси орасида 8 491 кун ўтган эди.