«Барселона» бош мураббийи Ханс-Дитер Флик Ла Лиганинг «Севилья»га қарши 3:1 ҳисобида якунланган учрашувида нега дарвозага Войцех Шесни эмас, Доминик Ливаковични қўйганини тушунтирди.
Аввалги турда «Расинг»га қарши 7:2 ҳисобидаги баҳсда жароҳатланган Жоан Гарсиянинг ўрнини Шесни эгаллаган эди. Ўша учрашувда польшалик дарвозабон қўпол хато қилиб, рақиб гол уришига сабаб бўлганди.
«Севилья»га қарши баҳсда эса Флик янги дарвозабон Доминик Ливаковичга ишонч билдирди.
«Баъзан ўз ҳиссиётингга ишониш керак. Бугун Ливакович ўйнаши кераклигини ҳис қилдим ва уни майдонга туширишга қарор қилдик. Аммо бу Войцехга бўлган ишончимизни йўқотдик, дегани эмас», — деди Флик.
«Севилья»га қарши учрашув Ливакович учун «Барселона» сафидаги дебют ўйини бўлди. 31 ёшли хорватиялик дарвозабон август ойи охирида «Фенербахче»дан каталонияликлар сафига келиб қўшилган эди.
