«Манчестер Сити» ҳужумчиси Фил Фоден «Манчестер Юнайтед»га қарши ўйинда майдондан четлатилди. Қизил карточка кўрсатилганидан кейинги хатти-ҳаракатлари эса Рой Кинга умуман ёқмади.

«Манчестер Юнайтед»нинг собиқ футболчиси Фоденни танқид қилди. Шу билан бирга, Киннинг танқидидан португалиялик Бруну Фернандеш ҳам четда қолмади. У аввал ҳам бир неча бор Киннинг кескин фикрларига дуч келган.

«Сени ҳозиргина майдондан четлатишди — сен эса нима қиляпсан? Автобусга ўтир. Фоден ўйламай ҳаракат қилди, лекин Бруну ҳам худди шундай», — деди Кин.

Эслатиб ўтамиз, Рой Кин футболчилик фаолияти давомида «Манчестер Юнайтед» сардори бўлган.

Фил Фоден эса 2017 йилдан буён «Манчестер Сити» шарафини ҳимоя қилиб келмоқда.