«Барселона» бош мураббийи Ханс-Дитер Флик «Севилья»га қарши шанба кунги учрашувда жароҳат олган марказий ҳимоячи Андреас Кристенсеннинг ҳолати ҳақида маълумот берди.
Даниялик футболчи учрашувнинг 59-дақиқасида майдонни тарк этди. Унинг ўрнига Жерар Мартин тушди.
«Кристенсен сон қисмидан жароҳат олди. У бир неча ҳафтани ўтказиб юборади. Эртага ўтказиладиган текширув натижаларини кутишимиз керак», — деди Флик матбуот анжуманида.
«Барселона» «Севилья»ни 3:1 ҳисобида мағлуб этди. Каталонияликлар сардори Рафинья учрашувда хет-трик қайд этди.
«Кўк-анорранглилар» навбатдаги учрашувини 10 октябрь куни ўтказади. Флик жамоаси Ла Лига доирасида ўз майдонида «Хетафе»ни қабул қилади.
