«Севилья» бош мураббийи Луис Гарсия Ла Лиганинг 7-турида «Барселона»дан 1:3 ҳисобида қабул қилинган мағлубият ҳақида фикр билдирди.

— Иккинчи бўлимда энергия етишмадими?

— Биринчи бўлимдаги ягона салбий жиҳат ҳисоб бўлди. Чунки танаффусга 2:1 ҳисобида олдинда борган ҳолда чиқишимиз мумкин эди. Биз рақиб жарима майдонида кўпроқ ўйнашга ҳаракат қилдик. Шунингдек, келажак учун сабоқ олдик. Муносиброқ натижага лойиқ эдик. Танаффусга ғолиб ҳолда чиқиш бутунлай бошқа масала.

— Иккинчи бўлимда-чи?

— Кейин ўйинимиздаги уйғунликни йўқота бошладик, рақиб эса жуда аниқ ҳаракат қилди. Футболчиларимга нисбатан ҳеч қандай эътирозим йўқ. Биз «Барселона»га ҳақиқий қаршилик кўрсата олган биринчи жамоа бўлдик, — деди Гарсия.