"Барселона" бош мураббийи Ханс-Дитер Флик клуб ва бразилиялик вингер Рафинья Диас ўртасида янги шартнома борасида олиб борилаётган музокаралар ҳақида фикр билдирди.
"Рафинья жуда юқори даражадаги футболчи. У — топ ўйинчи. Янги шартнома? Бу клуб раҳбарияти қабул қилган энг яхши қарор", — дея немис мутахассиси сўзларини Marca нашри келтирмоқда.
Кутилишича, 29 ёшли бразилиялик футболчининг янги шартномаси 2030 йил июнь ойи охирига қадар мўлжалланади.
Рафинья 2022 йил ёзидан буён "Барселона" шарафини ҳимоя қилиб келмоқда. Унинг амалдаги шартномаси 2028 йил июнь ойи охирида якунланади.
Transfermarkt портали мутахассислари футболчининг бозор қийматини 70 миллион еврога баҳоламоқда.
