Лондоннинг "Арсенал" клуби марказий ҳужумчиси Виктор Дьёкереш асосий таркибдаги ўрнини йўқотганидан сўнг, фаолиятини бошқа жамоада давом эттириши мумкин.
Инсайдер Экрем Конур маълумотига кўра, швециялик ҳужумчига Туриннинг "Ювентус", "Милан", шунингдек, Саудия Арабистонининг "Ал-Аҳли" ва "Ал-Иттиҳод" клублари қизиқиш билдирмоқда.
Дьёкереш "канонирлар" сафидаги ҳозирги ҳолатидан норози. Сабаби, бош мураббий Микель Артета ҳужум чизиғида асосий эътиборни германиялик Кай Хаверцга қаратмоқда.
Виктор Дьёкереш "Арсенал" сафига ўтган йил ёзида қўшилган эди. У Лондон клуби билан беш йиллик шартнома имзолаган.
Футболчининг бозор қиймати 65 миллион еврога баҳоланмоқда.
