«Атлетико» ҳимоячиси Марк Пубиль ҳужумчи Хулиан Альварес атрофидаги вазият ҳақида фикр билдирди. Ёзги трансферлар ойнасида Мадрид клуби футболчининг хоҳишига қарамай, Альваресни «Барселона»га қўйиб юбормади.

«Кийиниш хонасида биз бу вазиятни ташқаридан қандай кўринаётган бўлса, худди шундай қабул қиламиз. Хулиан — ажойиб ва жуда ўзига хос футболчи. Унинг биз билан бирга экани — омадимиз. Барчамиз у билан бирга ўйнашдан завқ оламиз ва унга ёрдам берамиз. У қодир бўлган энг яхши ўйинини намойиш этади, деб умид қиламиз — у жаҳон даражасидаги футболчи», — дея Пубильнинг сўзларини Marca келтирди.

Transfermarkt портали 26 ёшли Хулиан Альвареснинг қийматини 120 миллион еврога баҳоламоқда.