«Ювентус» келаси ёзда «Аталанта» дарвозабони Марко Карнесеккини таркибига қўшиб олишни режалаштирмоқда. Турин клуби 26 ёшли дарвозабон учун 50 миллион евро атрофида маблағ сарфлашга тайёр.

Бу ҳақда «Tuttosport» «Calciomercato» маълумотларига таяниб хабар берди. «Ювентус» Карнесеккини анчадан буён кузатиб келмоқда, аммо бу трансфер жамоанинг Чемпионлар лигасида иштирок этиши ва молиявий имкониятларига ҳам боғлиқ бўлади.

Карнесеккининг «Аталанта» билан шартномаси 2028 йил ёзига қадар амал қилади. Шу билан бирга, унинг шартномасини узайтириш бўйича музокаралар ҳозирча илгариламаган. «Ювентус»дан ташқари «Интер» ҳам Карнесеккига қизиқиш билдирмоқда.