Шанба куни «Жан Буэн» стадионида бўлиб ўтган «Париж» — «Страсбур» учрашуви (2:1) жанжал билан якунланди.

Парижликлар бош мураббийи Лиам Росеньор учун бу ўйин алоҳида аҳамиятга эга эди: у йил бошида «Страсбур»ни бошқарган, аммо Энцо Мареска кетганидан сўнг «Челси»ни бошқариш учун жамоани тарк этган ва кўп ўтмай қониқарсиз натижалар сабабли лондонликлар томонидан ишдан бўшатилган.

Якуний ҳуштакдан сўнг Росеньор ғалабани меҳмонлар секторида, «Страсбур» мухлислари олдида нишонлаш учун борди. Бу ҳаракат дарҳол реакцияга сабаб бўлди: меҳмонлар жамоаси футболчилари собиқ мураббийининг олдига югуриб келиб, унга ўз эътирозларини билдиришди.

Ўйиндан кейинги матбуот анжуманида Росеньор ўз ҳаракатининг сабабини тушунтирди:

«Бир гуруҳ одамлар — ва мен айнан кичик бир гуруҳни назарда тутяпман, чунки “Страсбур” фантастик клуб — ўзини ҳурматсизларча тутди. Улар оиламни ҳақорат қилишди. Захира ўриндиғимдаги ҳамма жуда жаҳлланган эди. Шунинг учун менинг бу тарзда нишонлашим аниқ бир ишора эди. Бу мавзу бўйича бошқа ҳеч нарса демайман», — деди мураббий.