"Барселона" бугун эрталаб ўтказилган Леонел Мессининг тиббий кўриги хулосаларини эълон қилди. Бу ҳақда маълум клуб расмий сайтида чиққан.
Хабарингиз бўлса, Месси кеча 7-турнинг "Альмерия"га қарши ўйинида (2:0) жароҳат олганди.
Хабарда айтилишича, Аргентина терма жамоаси сардорида тизза ости пайларининг шикастланиши кузатилган. Эндиликда Месси 2-3 ҳафта майдонга туша олмайди.
Эслатиб ўтамиз, ушбу жароҳат туфайли у кечаги ўйинда 29 дақиқа ҳаракат қилганди, холос. Унинг ўрнига Хави майдонга тушган.
Месси Ла-лига жорий мавсумининг олти ўйинида майдонга тушиб 8та гол урди, 3та голли узатмага муаллифлик қилди.













