Мигель Анхель Ортис Ариас Мадрид дербиси тарихида Испания пойтахтида туғилган биринчи ҳакам бўлади.

У бошчилигидаги ҳакамлар бригадаси Ла Лиганинг 7-туридан ўрин олган "Атлетико" — "Реал" учрашувига тайинланди. Баҳс бугун Тошкент вақти билан соат 19:15 да бошланади.

Ортис Ариас учун бу Испания чемпионатидаги еттинчи мавсум ҳисобланади. Ўтган йили у ўзига хос прецедент яратган эди. Фран Сото қарорига кўра, ҳакамларнинг ўз ҳудудидаги жамоалар иштирокидаги ўйинларга тайинланмаслиги ҳақидаги ҳудудий чеклов қоидасида истисно қилинган.

Шу тариқа, Мадридда туғилган Ортис Ариас "Райо Вальекано" — "Хетафе" учрашувида ҳакамлик қилган.

Бу қарор кейинчалик бошқа ҳакамларни ҳам шунга ўхшаш учрашувларга тайинлаш имконини очиб берди.

Шу билан бирга, амалдаги қоидалар ҳакамга ўзи туғилган автоном ҳудуддаги клублар иштирокидаги ўйинларда ишлашга рухсат беради. Аммо бир ҳудуддан чиққан ҳакамни турли автоном ҳудудларга мансуб жамоалар ўртасидаги баҳсга тайинлаш имконияти ҳозирча назарда тутилмаган.