Ўзбекистон Суперлигасининг 22-туридан ўрин олган "Локомотив" — "Нефтчи" учрашуви якунланди.

Тошкентдаги "Локомотив" стадионида ўтган баҳсда фарғоналиклар 1:0 ҳисобида ғалаба қозонди.

Учрашув тақдирини ҳал қилган ягона гол иккинчи бўлимда урилди. 62-дақиқада Зоран Марушич рақиб дарвозасини ишғол қилиб, "Нефтчи"ни ҳисобда олдинга олиб чиқди.

Қолган дақиқаларда "Локомотив" ҳисобни тенглаштиришга ҳаракат қилди, аммо фарғоналиклар минимал устунликни учрашув якунига қадар сақлаб қолди.

Шу тариқа, "Нефтчи" муҳим уч очкони қўлга киритиб, очколари сонини 51 тага етказди ва Суперлига турнир жадвалида яна пешқадамликни қўлга олди. "Пахтакор" 49 очко билан иккинчи ўринга тушди.

Суперлига, 22-тур

"Локомотив" — "Нефтчи" — 0:1

Гол: Зоран Марушич, 62 — 0:1.

Огоҳлантиришлар: Ратиньо, 31; Анваржон Ғофуров, 59; Қувончбек Абраев, 80.