Темур Олимхўжаев бошчилигидаги Ўзбекистон U-16 ўсмирлар терма жамоаси Тошкентда ўтган ОЧ-2014 саралашини муваффақиятли якунлади.

Бундан бироз аввал "ЖАР" стадионида якунланган учрашувда вакилларимиз Яман термасини 4:0 ҳисоби билан мағлубиятга учратдилар. Жонибек Кўчимов бу ўйинда ҳам дубль қайд этган ҳолда саралаш турнири тўпурари бўлди.

Шу тариқа, дастлабки ўйинда Фаластин дарвозасига жавобсиз 9та гол йўллаган Ўзбекистон ўсмирлар терма жамоаси 2014 йилги қитьа биринчилиги финал босқичига йўлланмани қўлга киритди.

Ўсмирлар ўртасида Осиё чемпионатига саралаш
"В" гуруҳи, 2-тур. "Жар" стадиони. 16:00
ЎЗБЕКИСТОН (U16) - ЯМАН (U16) - 4:0
Гол: Жонибек Кўчимов (12, 52), Маъруф Жўраев (58), Шоҳрух Маҳмудҳожиев (90+1)
Четлатиш: С.Нуриллаев (90+1)