"Рома" ва Нидерландия терма жамоаси ҳужумчиси Дониэлл Мален жароҳат сабаб миллий жамоанинг Миллатлар лигасидаги яқин учрашувларида иштирок этмайди. Бу ҳақда Нидерландия Қироллик футбол иттифоқи маълум қилди.

27 ёшли футболчининг айнан қандай жароҳат олгани очиқланмаган. Маълум бўлишича, Мален терма жамоа таркибидан чиқарилган.

Шунингдек, ярим ҳимоячи Жастин Клюйверт ҳам жароҳат сабаб ушбу ўйинларни ўтказиб юборади. Мален ва Клюйверт ўрнига Гус Тил ҳамда Мекс Мердинк терма жамоага чақирилди.

Мален жорий мавсумда "Рома" сафида А Сериянинг 5 та ўйинида 6 та гол урди. Шунингдек, Чемпионлар лигасидаги ягона учрашувида 1 та голли узатма амалга оширди.

Унинг Нидерландия терма жамоасидаги статистикаси 56 та ўйинда 13 та голни ташкил этади. Мален миллий жамоадаги дебютини 2019 йил сентябрь ойида ўтказган.

24 сентябрь куни Нидерландия терма жамоаси Миллатлар лигаси "A" гуруҳи 1-тури доирасида Германияга қарши майдонга тушади.