"Барселона" ҳимоячиси Эрик Гарсия El Chiringuito журналистлари билан суҳбатда Мадрид дербиси ҳамда каталонияликларнинг ҳозирги ҳолати ҳақида фикр билдирди.
Журналист ундан "Реал" ва "Атлетико" ўртасидаги дерби ҳақида сўраганида, футболчи ўйинни томоша қилмаганини айтди.
"Кўрмадим, ўйинни кўрмадим", деди Гарсия.
Журналист дербини умуман кўрмаганини аниқлаштирганида, у яна қисқа жавоб қайтарди:
"Йўқ, кўрмадим".
Шунингдек, унга матбуот анжуманида учрашувнинг айрим эпизодлари кўрсатилгани айтилди.
"Ҳеч нарса кўрганим йўқ, шунинг учун бу ҳақда ҳеч нима дея олмайман", деди "Барселона" ҳимоячиси.
Суҳбат якунида Гарсия каталонияликларнинг айни пайтдаги ҳолати ҳақида ҳам гапирди.
"Ҳа, биз ажойиб ҳолатдамиз, раҳмат. Жуда ҳам ажойиб ҳолатдамиз", деди испаниялик футболчи.
