"Реал"нинг бразилиялик ҳужумчиси Эндрикнинг вакили клуб раҳбарияти билан учрашишни режалаштирмоқда. Бу ҳақда TEAMtalk хабар берди.
Манба маълумотига кўра, ҳужумчининг агенти терма жамоалар ўйинлари учун танаффус вақтида футболчининг келажагини "Реал" билан муҳокама қилмоқчи. Бунга Эндрикнинг деярли майдонга тушмаётгани сабаб бўлмоқда.
Қайд этилишича, Эндрикка Англия Премьер-лигасининг кўплаб клублари қизиқиш билдирмоқда. Улар орасида "Арсенал", "Манчестер Сити", "Ливерпуль", "Астон Вилла", "Фулхэм", "Манчестер Юнайтед" ва "Тоттенхэм" бор.
Жорий мавсумда 20 ёшли Эндрик Испания чемпионатида атиги битта ўйинда қатнашди ва майдонда бор-йўғи 4 дақиқа ҳаракат қилди.
