Москва «Спартак»ининг собиқ футболчиси, ҳозирда телевидениеда эксперт сифатида фаолият юритаётган Эдуард Мор Жозе Моуриньюнинг Мадриднинг «Реал» клубидаги фаолияти ҳақида фикр билдирди.

«Моуриньюни жамоанинг асосий юлдузига айланиши учун олишган, аммо у Винисиусни захирага ўтқаза олмаяпти. Агар мураббий жамоа манфаати учун керакли қарорни қабул қила олмайдиган вазият юзага келса, «Атлетико»га қарши бўлгани каби ўйинлар такрорланади», — деди Мор «Матч ТВ» телеканали эфирида.

Сўнгги учрашувда «Реал» сафарда Мадриднинг «Атлетико» клубига қарши майдонга тушди. Моуринью шогирдлари принципиал рақибига 1:2 ҳисобида мағлуб бўлди.

Ҳимоячи Дин Хёйсен майдондан четлатилгани сабаб «Реал» иккинчи бўлимнинг деярли барчасини бир киши кам бўлиб ўтказди.