Аргентина терма жамоасининг собиқ ҳужумчиси Серхио Агуэро футбол ўйнашни соғинмаслигини айтди.
«Манчестер Сити», «Барселона» ва бошқа клубларнинг собиқ футболчиси 2021 йилда юраги билан боғлиқ муаммолар сабаб профессионал фаолиятини якунлаган эди.
«Фаолиятимни якунлаганимга беш йил бўлди, аммо бахтимга, футбол ўйнашни соғинмаяпман.
Баъзида «Майдонга чиқиб, бироз ўйнасам яхши бўларди», деб ўйлаб қоламан. Аммо йўқ, бу борада ҳеч қандай безовталик ҳис қилмайман.
Фаолиятимни якунладим, ҳозир жуда хотиржам ҳаёт кечиряпман, ўзимга ёқадиган ишлар билан шуғулланяпман ва вақтимни мароқли ўтказяпман.
Жаҳон чемпионати вақтида FIFA Hospitality элчиси сифатида ишладим ва бу менга жуда ёқди. У ерда менга жуда яхши муносабатда бўлишди.
Ҳозир яхши ўйинларни завқ билан томоша қиламан ва энди майдонга тушмаётганимда ҳеч қандай муаммо кўрмайман», — деди Агуэро.
