«Ливерпуль», «Арсенал» ва «Манчестер Сити» «Фейеноорд» ҳимоячиси Живайро Ридни ўз сафига қўшиб олишга қизиқиш билдирмоқда. Бу ҳақда Teamtalk хабар берди.

Манба маълумотига кўра, 20 ёшли нидерландиялик футболчининг ўйини топ-клубларда катта таассурот қолдирган. У «Ливерпуль»нинг ҳимоя қанотидаги муаммосига ечим бўлиши мумкин.

«Ливерпуль» янги мавсумни муваффақиятли бошлаган ўнг қанот ҳимоячисини кузатишда давом этмоқда. Рид Нидерландия чемпионатида ўтказган 7 та учрашувида 5 та голли узатмани амалга оширди.

2026 йил ёзида Рид Англияга кўчиб ўтишга яқин бўлган. «Ноттингем Форест» футболчи учун расмий таклиф юборган, «Эвертон» эса унга жиддий қизиқиш билдирган. «Эвертон»нинг қизиқиши «Рома» томонидан ҳам қўллаб-қувватланган, чунки ҳар икки клуб Friedkin Group таркибига киради. Аммо трансфер амалга ошмади ва Рид Нидерландияда қолди.

Манбага кўра, Рид январь ойидаги трансфер ойнасида бошқа клубга ўтиши мумкин. Кўп нарса унга қизиқиш билдирган клублардан қай бири расмий музокараларни бошлашига боғлиқ бўлади.

Футболчининг «Фейеноорд» билан шартномаси 2029 йил 30 июнига қадар амал қилади. Transfermarkt портали унинг трансфер қийматини 25 миллион еврога баҳоламоқда.