«Liverpul», «Arsenal» va «Manchester Siti» «Feyenoord» himoyachisi Jivayro Ridni o‘z safiga qo‘shib olishga qiziqish bildirmoqda. Bu haqda Teamtalk xabar berdi.

Manba ma’lumotiga ko‘ra, 20 yoshli niderlandiyalik futbolchining o‘yini top-klublarda katta taassurot qoldirgan. U «Liverpul»ning himoya qanotidagi muammosiga yechim bo‘lishi mumkin.

«Liverpul» yangi mavsumni muvaffaqiyatli boshlagan o‘ng qanot himoyachisini kuzatishda davom etmoqda. Rid Niderlandiya chempionatida o‘tkazgan 7 ta uchrashuvida 5 ta golli uzatmani amalga oshirdi.

2026 yil yozida Rid Angliyaga ko‘chib o‘tishga yaqin bo‘lgan. «Nottingem Forest» futbolchi uchun rasmiy taklif yuborgan, «Everton» esa unga jiddiy qiziqish bildirgan. «Everton»ning qiziqishi «Roma» tomonidan ham qo‘llab-quvvatlangan, chunki har ikki klub Friedkin Group tarkibiga kiradi. Ammo transfer amalga oshmadi va Rid Niderlandiyada qoldi.

Manbaga ko‘ra, Rid yanvar oyidagi transfer oynasida boshqa klubga o‘tishi mumkin. Ko‘p narsa unga qiziqish bildirgan klublardan qay biri rasmiy muzokaralarni boshlashiga bog‘liq bo‘ladi.

Futbolchining «Feyenoord» bilan shartnomasi 2029 yil 30 iyuniga qadar amal qiladi. Transfermarkt portali uning transfer qiymatini 25 million yevroga baholamoqda.