«Манчестер Юнайтед» ҳимоячиси Харри Магуайр Англия чемпионати 5-турида сафарда «Фулхэм»га қарши ўтган ва 1:1 ҳисобида якунланган учрашув ҳақида фикр билдирди.

«Бизнинг муносабатимиз ўтган ҳафтадаги ўйинга нисбатан анча яхшироқ ва ижобийроқ бўлди. Гол ўтказиб юборганимиздан кейин, айниқса, ўтган ҳафта биз учун қандай кечганини ҳисобга олсак, йигитлар ажойиб характер ва кучли жавоб кўрсатишди.

Биз рақибни орқага чекинишга мажбур қилдик ва босимни бир зум ҳам сусайтирмадик. Бизга фақат тўпнинг қулай тарзда олдимизга тушиши ёки сакраб келиши етишмади. Афсуски, голимиз эртароқ урилмади, чунки ўша пайтда бизда учрашувни ғалаба билан якунлаш учун етарлича суръат бор эди.

Ташқи шов-шувларга эътибор бермаслик, ўзимизга ишониш ва бу йил нималар қилганимизни тўғри баҳолашимиз керак. Шунингдек, нималар устида ишлашимиз ва қайси жиҳатларни яхшилашимиз лозимлигини ҳам билишимиз зарур. Аммо биз мақсаддан унчалик ҳам узоқда эмасмиз», — дея 33 ёшли англиялик футболчининг сўзларини PA келтирди.

«Манчестер Юнайтед» 5 та ўйиндан кейин 5 очко тўплаб, Англия чемпионати жадвалида «Ноттингем Форест» билан бирга 12-ўринни бўлишиб турибди.

Жамоа 7-тур доирасида 10 октябрь куни ўз майдонида «Тоттенхэм»ни қабул қилади.