«Манчестер Юнайтед» собиқ вингери Андрей Канчельскис мавсум бошида «қизил иблислар»нинг ўйини ҳақида ўз фикрини билдирди.

«Жамоанинг қандай футбол ўйнаётганини тушунмаяпман. «МЮ»нинг ўйини — шунчаки ҳеч нарса эмас. Тартибсизлик юз бермоқда. Агар Кэррик қишгача ўз лавозимини сақлаб қолса, Манчестерга учиб борганимда, балки у билан гаплашиб олармиз.

Муаммо футболчиларда ҳам бор. Фергюсон: «Клуб ҳамма нарсадан устун», дер эди. Ҳозир эса баъзи ўйинчилар ўзларини клубдан устун қўйишмоқда — менинг тушунишимча, шундай. Шунинг учун ҳам ҳаммаси шундай содир бўлмоқда», — деди Канчельскис.

5 турдан сўнг «МЮ» АПЛда 12-ўринни эгаллаб турибди.