«Manchester Yunayted» sobiq vingeri Andrey Kanchelskis mavsum boshida «qizil iblislar»ning o‘yini haqida o‘z fikrini bildirdi.
«Jamoaning qanday futbol o‘ynayotganini tushunmayapman. «MYU»ning o‘yini — shunchaki hech narsa emas. Tartibsizlik yuz bermoqda. Agar Kerrik qishgacha o‘z lavozimini saqlab qolsa, Manchesterga uchib borganimda, balki u bilan gaplashib olarmiz.
Muammo futbolchilarda ham bor. Fergyuson: «Klub hamma narsadan ustun», der edi. Hozir esa ba’zi o‘yinchilar o‘zlarini klubdan ustun qo‘yishmoqda — mening tushunishimcha, shunday. Shuning uchun ham hammasi shunday sodir bo‘lmoqda», — dedi Kanchelskis.
5 turdan so‘ng «MYU» APLda 12-o‘rinni egallab turibdi.
