«Брайтон» ва «Астон Вилла» Парагвайнинг «Насьональ» клуби ҳимоячиси Мауро Коронелни ўз сафига қўшиб олмоқчи, деб хабар беради Teamtalk.
Манба берган маълумотга кўра, мудофаа марказида ҳаракат қилувчи 18 ёшли парагвайлик футболчи ўз мамлакатининг энг ёрқин талантларидан бири ҳисобланади: у «Насьональ»нинг асосий таркиб ўйинчисига айланди ва 2026 йилда мамлакат олий дивизионида 16 та ўйин ўтказди, уларнинг 8 тасида жамоа ўз дарвозасидан тўп ўтказиб юбормади.
Ҳимоячининг шартномаси 2026 йил декабрь ойи охирида тугайди, бу эса «Насьональ» учун ўйинчини текинга йўқотиш хавфини туғдиради. Коронел, шунингдек, Парагвайнинг 17 ёшгача ва 20 ёшгача бўлган терма жамоаларида ўйнаш тажрибасига эга.
Ҳимоячининг агенти Ренато Биттар яқинда Европа клублари унинг мижозини узоқ вақтдан бери кузатиб келаётганини тасдиқлади.
Transfermarkt ўйинчининг трансфер қийматини 400 минг еврога баҳоламоқда.
