Англиянинг «Манчестер Юнайтед» клуби «Ланс»нинг 16 ёшли португалиялик ҳужумкор ярим ҳимоячиси Мезиан Меслуб билан шартнома имзолаш имкониятини кўриб чиқмоқда. Бу ҳақда TEAMtalk хабар бермоқда.
Таъкидланишича, «МЮ» Меслубни узоқ муддатли истиқболли нишон деб ҳисоблайди. Футболчини, шунингдек, «Арсенал», «Челси», «ПСЖ» ва «Монако» клублари ҳам кузатиб бормоқда.
Меслуб ўтган мавсумдаёқ асосий жамоада дебют қилган ва Лига 1 даги ягона ўйинида гол уришга эришган эди. Ушбу мавсумда Меслуб «Ланс» таркибида тўртта учрашувда майдонга тушиб, Чемпионлар лигасида битта голли узатма муаллифига айланди.
