"Брентфорд" вингери Кевин Шаде Англия Премьер-лигасининг топ-клубларидан бирига ўтиши мумкин. Бу ҳақда инсайдер Экрем Конур ижтимоий тармоқларда хабар берди.
Журналист маълумотига кўра, ҳужумкор ярим ҳимоячини ўз сафига қўшиб олишга Лондоннинг "Арсенал" клуби ва "Ливерпуль" қизиқиш билдирмоқда. Ҳар икки клуб сўнгги бир неча ой давомида Шаденинг ўйинларини кузатиб келмоқда.
24 ёшли германиялик вингернинг "Брентфорд" билан шартномаси 2028 йил июнь ойи охирига қадар амал қилади. Футболчининг бозор қиймати 35 миллион еврога баҳоланмоқда.
Жорий мавсумда Шаде Англия Премьер-лигасида 5 та учрашувда майдонга тушиб, 3 та гол урди.
