"Хоразм" Суперлигадаги 300-учрашувини ўтказди.
Кеча "Қизилқум"га қарши ўтказилган баҳс Урганч клуби учун Ўзбекистон чемпионати юқори дивизионидаги юбилей — 300-ўйин сифатида тарихда қолди.
"Хоразм" ушбу 300 учрашувнинг 74 тасида ғалаба қозонган. 56 та баҳс дуранг билан якунланган бўлса, 170 та ўйинда жамоа мағлубиятга учраган.
Ушбу давр мобайнида хоразмликлар рақиблар дарвозасига 332 та гол урган ва ўз дарвозасидан 589 та тўп ўтказиб юборган.
Эслатиб ўтамиз, юбилей учрашувида "Хоразм" ўз майдонида "Қизилқум"га 1:3 ҳисобида имкониятни бой берди.
"Хоразм"нинг юқори дивизиондаги кўрсаткичлари:
300 ўйин
74 ғалаба
56 дуранг
170 мағлубият
Тўплар нисбати — 332:589
