«Челси»да ўйнаган «Монако» сардори Денис Закария жамоадоши Ламин Камаранинг Лондон клубига амалга ошмай қолган трансфери ҳақида фикр билдирди.
«Мен унга «Челси»да яхши, аммо «Монако»да ундан ҳам яхшироқ эканини айтдим. У профессионал. Менимча, ўхшамай қолган трансфер уни фақат кучлироқ қилди. У «Ланс»га қарши ўйинда ажойиб ҳаракат қилди», — дейди Закариянинг сўзларини Get French Football News.
Эслатиб ўтамиз, ёзги трансфер ойнасида Камара «Челси»га ўтишга яқин эди, аммо сўнгги кунда «Монако» битимни бекор қилди.
Ушбу мавсумда Камара барча турнирларда еттита ўйинда майдонга тушиб, битта гол урди ва ўз ҳисобига битта голли узатмани ёзиб қўйди.
