«Наполи» спорт директори Жованни Манна клуб ҳозирда ижара асосида «Фиорентина»да ўйнаётган «Реал» вингери Франко Мастантуонога қизиқиш билдирганини тан олди.

«Биз Мастантуонони ҳали «Ривер Плейт»даги чиқишлари давридан бери кузатиб келаётган эдик. Бу ўйинчи бизга ёқар эди ва у ҳалигача бизга ёқади. Биз уни «Реал»дан олмоқчи эдик, аммо клуб уни ўз шартлари билан сотаётган эди, бу шартлар эса айни дамда «Наполи» учун қабул қилиб бўлмас эди», — деди Манна DAZNга берган интервьюсида.

Ўтган ёзда «Фиорентина» 19 ёшли Мастантуонони «Реал»дан ижарага олди. «Бинафшаранглилар» таркибида у барча турнирларда еттита учрашувда майдонга тушиб, учта гол урди.