"Тоттенхэм"нинг собиқ ярим ҳимоячиси Жейми О'Хара Роберто Де Дзербининг Лондон клуби бош мураббийи лавозимидаги келажаги ҳақида фикр билдирди.
"Агар у халқаро танаффусдан кейинги икки ўйинда мағлуб бўлса, уни ишдан бўшатишади", деди собиқ футболчи Sky Sports эфирида.
Де Дзерби жорий йил баҳорида "Тоттенхэм" бош мураббийи этиб тайинланган ва жамоани Премьер-лигадан тушиб кетишдан сақлаб қолган эди.
Бироқ янги мавсум "Тоттенхэм" учун жуда омадсиз бошланди. Беш турдан сўнг Лондон клуби атиги 2 очко тўплаган ҳолда турнир жадвалининг сўнгги поғонасини эгаллаб турибди.
Халқаро танаффусдан кейин "Тоттенхэм" 10 октябрь куни сафарда "Манчестер Юнайтед"га қарши майдонга тушади. Шундан сўнг, 19 октябрда "Ковентри"ни ўз майдонида қабул қилади.
