«Барселона» вингери Ламин Ямал жамоанинг Чемпионлар лигасидаги яқин истиқболлари ҳақидаги саволга жавоб берди.
Ўтган мавсумда Ханс-Дитер Флик жамоаси 1/4 финал босқичида тўхтаб, «Атлетико»га имкониятни бой бериб қўйган эди. «Кўк-анорранглилар» ушбу турнирда охирги марта олис 2015 йилда ғалаба қозонишган.
«Бизда ёш жамоа бор. Мағлубиятлардан ғалабаларга қараганда кўпроқ сабоқ оласан. Ўзимизни кўрсатадиган вақт келди. Биз Чемпионлар лигаси финали учун Мадридга боришни ва кубокни бошимиз узра кўтаришни хоҳлаймиз», — дейди 19 ёшли футболчи Barca Buzz’га берган интервьюсида.
«Барселона» Чемпионлар лигасининг жорий мавсумини «Фейеноорд» устидан қозонилган йирик ғалаба (5:1) билан бошлади.
