ПСЖ ҳужумчиси Златан Иброҳимович яна бир марта мураббий Хосеп Гвардиола шаънига "илиқ" сўзларни билдирди. У ўзининг собиқ бош мураббийини танқид қила туриб, уни "қўрқоқ" дея атади.
"Гвардиола Леонель Месси учун мени қурбон қилди ва буни менга очиқ айтишга қўрқоқлик қилган. Мен Мессига нисбатан кўпроқ гол урдим. Месси эса Гвардиолага шикоят қилди. Мен Пепдан жамоага тўғри келиш-келмаслигим ҳақида сўрадим. У эса менга яхши футболчи эканимни айтиб, мени захира ўриндиғига ўтқазиб қўйди. Ким мени сотиб олса, у "Ferrari"ни қўлга киритади. Гвардиола — яхши мутахассис, аммо у эркак эмас, у қўрқоқ", дейди Иброҳимович.
Эслатиб ўтамиз, Иброҳимович "Барселона" сафида бир йил фаолият олиб борган.