«Реал» юлдузи Килиан Мбаппе франциялик ватандоши Майкл Олисени «Сантьяго Бернабеу»га кўчиб ўтишга ҳеч қачон ундамаганини айтди. У буни «Бавария»га нисбатан ҳурматсизлик деб ҳисоблашини таъкидлади.

«Олисе ва «Реал»? Бу ҳақдаги хабарларни кўрдим, аммо футболчига клубини тарк этишни маслаҳат бериш ҳурматсизлик бўларди, деб ўйлайман. Бу «Бавария»га нисбатан адолатсизлик бўларди.

Айниқса, «Бавария» Майкл катта ютуқларга эриша оладиган буюк клуб. Албатта, дунёдаги ҳар қандай клуб Майкл Олисени ўз сафида кўришни истайди. У жуда юқори савиядаги футболчи», — деди Мбаппе.

«Реал» президенти Флорентино Перес ёзда Олисени харид қилиш учун жиддий ҳаракат қилган. Бироқ «Бавария» футболчини сотишдан бош тортган.

Шундан сўнг Ла Лига гиганти Ян Диомандени 125 миллион еврога харид қилди.