Мадриднинг «Реал» клуби тарбияланувчиси Денис Черышев фаолиятини Россия Премьер-лигасида давом эттиришни хоҳлаган эди. Бу ҳақда Sport Baza хабар бермоқда.

Манбанинг хабарига кўра, 35 ёшли вингернинг хизматлари РПЛнинг турли клубларига таклиф қилинган, бироқ ҳеч қайси клуб футболчига қизиқиш билдирмаган. Таъкидланишича, Черышевнинг ўзи фақатгина Премьер-лига вариантларини кўриб чиққан, аммо Воронежнинг «Факел» клуби унинг хизматларидан воз кечгани, Тольяттининг «Акрон» клубига эса ҳужум қаноти футболчиси керак бўлмагани маълум.

2026 йилнинг февралидан августигача Черышев Кипрнинг «Красава» клуби сафида тўп сурган. Жамоа таркибида у 13 та ўйин ўтказиб, 2 та гол урди ва 3 та голли узатмага муаллифлик қилди.

Ҳозирги вақтда Черышев эркин агент ҳисобланади.