Туриннинг «Ювентус» клубида дарвозабонлар билан боғлиқ мураккаб вазият юзага келди, Гильермо Викарионинг ўрнини босадиган захира дарвозабони йўқ — ва ўтмишда туринликлар сафида ўйнаган бразилиялик кипер Норберто Нето ана шундай ўринбосарга айланиши мумкин.
Италиялик таниқли журналист Жанлука ди Марционинг хабар беришича, бундай сценарийнинг амалга ошиш эҳтимоли соат сайин ортиб бормоқда. Нетонинг «Ботафого»даги ишлари юришмади ва у Италия чемпионатига қайтишдан мамнун бўлар эди. Манбанинг аниқлик киритишича, томонлар фақатгина маош миқдори бўйича келишиб олишлари қолган, холос.
Эслатиб ўтамиз, ҳозирда Лучано Спаллетти бошчилигидаги клуб А Серия турнир жадвалида еттинчи ўринни эгаллаб турибди.
