Черногориялик ҳужумчи Стеван Йоветич ўтган ўн йилликнинг бошларида уни Мадриднинг «Реал» клуби ўз сафига таклиф қилгани, аммо ўшанда ушбу клубга рад жавобини бергани ва ҳозирда бундан афсусда экани ҳақида гапириб берди.

«Эҳтимол, қайта қабул қилмаган бўлар эдим деган битта қарорим бор. «Фиорентина»даги иккинчи мавсумимни ўтказаётганимда менга Мадриднинг «Реал» клуби қизиқиш билдирган эди, аммо ўшанда бундай ўтишга тайёр эканлигимни ҳис қилмаганман. Мен мунтазам ўйнаётгандим, бахтли эдим, ишларим яхши кетаётганди ва «Бу ерда яна бир-икки йил қоламан, кейин кетаман» деб ўйлагандим. Якунда у ерга барибир ўта олмадим, гарчи кейинчалик «Манчестер Сити», «Интер», «Севилья» ва бошқа кўплаб клубларда ўйнаган бўлсам-да», — деди футболчи derbyderbyderby.it нашрига.

Ҳозирда футболчи эркин агент мақомида бўлиб турибди, аммо фаолиятини якунлагани йўқ.