Chernogoriyalik hujumchi Stevan Yovetich o‘tgan o‘n yillikning boshlarida uni Madridning «Real» klubi o‘z safiga taklif qilgani, ammo o‘shanda ushbu klubga rad javobini bergani va hozirda bundan afsusda ekani haqida gapirib berdi.

«Ehtimol, qayta qabul qilmagan bo‘lar edim degan bitta qarorim bor. «Fiorentina»dagi ikkinchi mavsumimni o‘tkazayotganimda menga Madridning «Real» klubi qiziqish bildirgan edi, ammo o‘shanda bunday o‘tishga tayyor ekanligimni his qilmaganman. Men muntazam o‘ynayotgandim, baxtli edim, ishlarim yaxshi ketayotgandi va «Bu yerda yana bir-ikki yil qolaman, keyin ketaman» deb o‘ylagandim. Yakunda u yerga baribir o‘ta olmadim, garchi keyinchalik «Manchester Siti», «Inter», «Sevilya» va boshqa ko‘plab klublarda o‘ynagan bo‘lsam-da», — dedi futbolchi derbyderbyderby.it nashriga.

Hozirda futbolchi erkin agent maqomida bo‘lib turibdi, ammo faoliyatini yakunlagani yo‘q.