«Манчестер Сити» ва Норвегия терма жамоаси ҳужумчиси Эрлинг Холанд, афтидан, ўз мамлакатида сабзи сотувининг кескин ошишига ҳисса қўшди. Бу ҳақда talkSPORT хабар бермоқда.

Норвегиялик овқатланиш бўйича мутахассис Иселин Сагеннинг маълумотларига кўра, 2026 йилнинг июль ойида сабзи сотуви ўтган йилнинг шу даврига нисбатан тахминан 25 фоизга ошган. Жами бўлиб тахминан 600 тонна кўпроқ сабзи сотилган.

Саген ушбу сабзавот оммабоплигининг ошишини Холанд иштирокидаги реклама кампанияси билан боғлади. Жаҳон чемпионатининг ҳар бир ўйини олдидан Норвегияда футболчининг юк машинасида юргани ва сабзи еяётгани акс этган ролик намойиш этилган.

«Бу айнан унинг туфайли содир бўлганини исботлай олмайман. Аммо Холанд — Норвегияда жуда катта ўрнак бўла оладиган шахс ва у ушбу кампаниянинг марказида бўлди», — деди Саген.

Жорий мавсумда Холанд АПЛнинг 5 та ўйинида 5 та гол уриб, тўпурарлар рўйхатида пешқадамлик қилмоқда.