«Барселона» қишки трансфер ойнасида янги футболчиларни ўз сафига қўшиб олиш имкониятига эга бўлиши учун бир нечта ўйинчисини сотишига тўғри келиши мумкин. Бу ҳақда Marca хабар бермоқда.
«Молиявий фэйр-плей бўйича кўрсаткичимиз манфий эди. 1:1 кўрсаткичига эришиш учун бизга беш йил керак бўлди. Бу осон бўлгани йўқ», — дея жорий вазиятни тушунтириб ўтди клубнинг иқтисодий масалалар бўйича вице-президенти Ферран Оливе.
Шу билан бирга таъкидланишича, Каталония клуби январь ойида таркибни кучайтиришсиз ҳам кун кўришдан умидвор. Ханси Флик жамоаси жорий мавсумдаги барча 8 та ўйинда ғалаба қозонди ва ҳар бир позицияда камида иккитадан ўйинчига эга.
