Мадриднинг «Реал» клуби чап қанот ҳимоячиси Марк Кукурелья Испания терма жамоаси бош мураббийи Луис де ла Фуэнтенинг юзи туширилган машҳур татуировкаси ҳақида гапириб берди.
Ёз бошида футболчи агар испанлар Жаҳон чемпионатида ғолиб чиқишса, мураббий тасвирланган татуировка чизишга ваъда берган эди. «Қизил фурия» мундиалда зафар кучди ва «Реал»нинг янги аъзоси ўз ваъдасида турди.
«Мен де ла Фуэнтега мени муаммога қолдирганини ва ушбу татуировка билан ҳаётимни барбод қилганини айтдим, лекин ҳеч нарсадан афсусланмайман», — деди Кукурелья El Larguero нашрига берган интервьюсида кулиб.
ЖЧ-2026 финалида Испания терма жамоаси 106-дақиқада Ферран Торрес томонидан киритилган гол эвазига Аргентинани 1:0 ҳисобида мағлуб этган эди.
