Бразилия терма жамоаси ярим ҳимоячиси Бруно Гимараэс Лондоннинг "Арсенал" клубига ўтиши ҳақида фикр билдирди.
28 ёшли футболчи август ойида "канонирлар" сафига қўшилди. "Ньюкасл" унинг трансферидан 87 миллион евродан ортиқ маблағ ишлаб олди.
"Мен чемпион бўлишни ва клуб тарихининг бир қисмига айланишни хоҳлайман. "Арсенал"даги фаолиятим яхши бошланди. Менимча, ҳаммаси яхши кетяпти. Жуда мамнунман ва янги синовлар мени руҳлантирмоқда.
"Арсенал"да ўйнаш – жуда катта масъулият. Аввал ҳам айтганимдек, мен бу қадамни ташлашни жуда хоҳлагандим", – деди Гимараэс матбуот анжуманида.
Бразилиялик футболчи Микель Артета жамоаси сафида ҳозиргача олтита ўйинда майдонга тушиб, битта гол урди.
