Аргентина терма жамоаси юлдузи Лионель Месси "Рома" ҳужумчиси Пауло Дибалани миллий жамоадаги хайрлашув учрашувига таклиф қилди. Бу ҳақда "Corriere dello Sport" хабар берди.
Бироқ "альбиселесте" бош мураббийи Лионель Скалони ҳозирча Дибалани навбатдаги йиғин учун терма жамоа таркибига киритмаган.
Бундан ташқари, "Рома" бош мураббийи Жан Пьеро Гасперини ҳам Паулонинг ушбу ўйинда қатнашишига қарши. Мутахассис жамоанинг етакчи футболчиларидан бири билан таваккал қилишни истамаяпти.
Эслатиб ўтамиз, 39 ёшли Мессининг Аргентина терма жамоаси сафидаги хайрлашув учрашуви 6 октябрдан 7 октябрга ўтар кечаси бўлиб ўтади. Аргентина Бенин терма жамоасига қарши майдонга тушади.
