Криштиану Роналду Португалия терма жамоаси сафида кетма-кет иккинчи учрашувда ҳам гол ура олмади. 2026 йилги Жаҳон чемпионати 1/8 финалида Португалия Испания билан ўйнаган баҳсда Роналду рақиб дарвозасини ишғол қила олмаганди. Энди эса Миллатлар лигасида Уэльсга қарши учрашувда ҳам португалиялик ҳужумчи голсиз қолди.
Шунга қарамай, Португалия Жорже Жезуш бошчилигидаги дастлабки ўйинда ғалаба қозонди. Жамоа Уэльсни 1:0 ҳисобида мағлуб этди.
«Евро-Футбол.Ру» нашри кечаги баҳсда Киштиану Роналдуга жуда паст баҳо қўйди — 3 балл.
КРИШТИАНУ РОНАЛДУ — 3,0. Криштиану учун ҳеч нарса қўлидан келмай қолган кеча бўлди. Қандай қилиб xG бўйича 1,32 кўрсаткич қайд этиб, бир марта ҳам гол урмаслик мумкин? Бу саволга жавобни Роналдунинг ўзидан сўраш керак.
У учун жуда кўп вазиятлар яратиб берилди, аммо Криштиану уларнинг деярли барчасини кўкка совурди. Ҳаддан ташқари катта хоҳиш бу ерда унга акс таъсир қилди. Зарба техникасида муаммолар бўлди, тайминг ҳам ўхшамади — у тезликни жуда эрта оширди ва уч марта офсайдга тушиб қолди.
Мухлислар азият чекди, Роналду таҳдид қилган пайтларда эса фақат Уэльс дарвозаси дахлсиз қолди. Гарчи бу фикрга ҳам эътироз билдириш мумкин: ахир у тўп ўрнига ўзини дарвозага «уриб» қўярди. Ниҳоят тўпни дарвозага киритганида эса гол офсайд сабабли ҳисобга олинмади.
Криштиану оддий ва аниқ узатма ҳам бера олмади — гўё Жоау Фелишнинг бўйи ўзиникидан икки баравар баланд деб ўйлагандай, унга жуда баланд тўплар оширди.
Агар Роналду мана шу тушунарсиз ишлар билан шуғулланмаганида, Португалия хотиржамлик билан йирик ҳисобда ғалаба қозонган бўларди.
